Google ADS

Euronews raporton për zhvillimet në veri të vendit dhe marrëveshjen për targat

16:39 | 3 Tetor 2021
KRG

Agjencia franceze e lajmeve “Euronews” ka shkruar për zbatimin e marrëveshjes për targat që u arrit në Bruksel.

Ky medium ka theksuar se nga dje ka filluar të hyjë në zbatim kjo marrëveshja duke theksuar se nga pikat kufitare në veri të Kosovës janë larguar barrikadat që ishin të vendosura për 13 ditë nga protestuesit serbë, duke shtuar se ishin larguar edhe Njësitë Speciale të Policisë së Kosovës.

“Misioni i KFOR-it i drejtuar nga NATO mori të shtunën zonën pranë dy vendkalimeve kufitare Kosovë-Serbi pas një marrëveshjeje të arritur nga të dy vendet që synonte uljen e tensioneve të shkaktuar nga një mosmarrëveshje mbi targat e automjeteve”, shkruhet në artikullin e Euronews.

Në artikull tutje shkruhet se kjo marrëveshje u arrit nën ndërmjetësimin e emisarit të Bashkimit Evropian për dialogun, Miroslav Lajçak, duke shtuar se nga 20 shtatori këto zona ishin të bllokuara për qarkullimin e automjeteve, shkruan Euronews. /KK/

Shpërndaje në rrjete sociale

Lajmet më të lexuara

Të ngjashme

Foto lajm